Istória Susesu iha Munisípiu Manufahi no Liquiça

 

Download  File  Tetun PDF 

Lee Kontinua

Rezultadu Monitórizasaun HAK ba Kondisaun Atual Bee Moos iha Munisípiu 8

𝐊𝐨𝐧𝐝𝐢𝐬𝐚𝐮𝐧 𝐀𝐭𝐮𝐚𝐥 𝐁𝐞𝐞 𝐌𝐨𝐨𝐬 𝐢𝐡𝐚 𝐌𝐮𝐧𝐢𝐬í𝐩𝐢𝐮 (𝐀𝐢𝐥𝐞𝐮, 𝐀𝐢𝐧𝐚𝐫𝐨, 𝐁𝐚𝐮𝐜𝐚𝐮, 𝐕𝐢𝐪𝐮𝐞𝐪𝐮𝐞, 𝐃𝐢𝐥𝐢, 𝐄𝐫𝐦𝐞𝐫𝐚, 𝐋𝐢𝐪𝐮𝐢ç𝐚 & 𝐌𝐚𝐧𝐮𝐟𝐚𝐡𝐢) 𝐏𝐞𝐫𝐢𝐮𝐝𝐨 𝐌𝐚𝐫𝐬𝐮-𝟐𝟎𝟐𝟐-𝐎𝐮𝐭𝐮𝐛𝐫𝐮 𝟐𝟎𝟐𝟑

𝙍𝙚𝙯𝙪𝙡𝙩𝙖𝙙𝙪 𝙈𝙤𝙣𝙞𝙩ó𝙧𝙞𝙯𝙖𝙨𝙖𝙪𝙣

Ofisial HAK periodikalmente kada fulan 3 halo monitórizasaun ba asuntu direitus umanus, asuntu saúde, edukasaun, agrikultura, siguransa, asuntu rai & bee moos iha Munusípiu 6 (Baucau, Viqueque, Aileu, Ainaro, Dili & Ermera) hodi observa direta no entrevista ho Grupu Alvus Estratejiku-GAS no Diretóres Diresaun Munisipál sira hodi rekolia informasaun no dadus sira liga ho asuntu sira ne’ebé mak HAK tau matan ba. Iha relatóriu ida ne’e HAK sei fokus iha asuntu bee moos.

Dadus Atual Bee Moos

Dadus Atual Bee Moos

Husi gráfiku iha leten hatudu pursentu kondisaun asesu bee moos Komunidade iha Munisípiu 6, husi totál uma kain 66,363, fahe ba iha klasifikasaun tolu asesu ba kanalizasaun ho totál pursentu 70%, asesu ba bee matan totál pursentu 15% no asesu bee posu ho totál pursentu 15%. Amostra dadus balu hodi leno gráfiku iha leten: a) Munisípiu Viqueque 1) Suku Bibileo Komunidade uma kain 499 mak asesu ba bee posu no uma kain 190 mak asesu bee matan 2) Suku Bahalara-Wain Komunidade uma kain 900 mak asesu ba bee posu no uma kain 119 mak asesu bee matan 3) Suku Uma Tolu uma kain 761 mak asesu bee posu b) Munisípiu Baucau 1) Suku Tequinomata Komunidade uma kain 113 mak asesu bee posu 2) Suku Seisal Komunidade uma kain 425 mak asesu bee matan c) Munisípiu Ainaro 1) Suku Mulo Komunidade uma kain 1055 asesu bee matan 2) Suku Soro Komunidade uma kain 380 mak asesu bee matan 3) Suku Casa Komunidade uma kain 211 mak asesu bee matan d) Munisípiu Aileu 1) Suku Lausi Komunidade 113 asesu bee matan 2) Suku Liurai Komunidade uma kain 917 mak asesu bee matan e) Munisípiu Dili 1) Suku Camea Komunidade uma kain 561 mak asesu bee matan 2) Suku Becora Komunidade uma kain 393 mak asesu bee matan f) Munisípiu Ermera 1) Suku Estadu Komunidade uma kain 354 mak asesu bee matan 2) Suku Poetete Komunidade uma kain 319 mak asesu bee matan 𝑭𝒐𝒏𝒕𝒆𝒔: 𝑮𝒓𝒖𝒑𝒖 𝑨𝒍𝒗𝒖 𝑬𝒔𝒕𝒓𝒂𝒕𝒆𝒋𝒊𝒌𝒖-𝑮𝑨𝑺 Donwload File Kompletu versaun PDF-Tetun ;

Lee Kontinua

Kartaun Pontuasaun Komunidade (KPK)

1.     Introdusaun

Hahú kedas husi VI Governu Konstitusionál, sosiedade sivíl hola papél ativu hodi hala’o atividade akuntabilidade sosiál ho tipu oi-oin. Nune’e husi Grupu Sosiedade Sivíl ne’ebé mak ho parte servisu ba bee, saneamentu no ijiene-BESI hahú explora oportunidade ida ne’e ba kapasitasaun kona-ba instrumentu sira akuntabilidade sosiál nian, liu-liu prosesu Kartaun Pontuasaun Komunidade (KPK).

Asuntu sustentabilidade sai preokupasaun boot ba dezenvolvimentu BESI- nian.Tan ne’e setór no ajensia implementadór sira esforsu hodi fornese servisu sira no iha parte seluk ejiji komunidade nia partisipasaun hodi husu responsabilidade ba Estadu atu bele responde ba nesesidade komunidade nian liga ho bee, saneamentu no ijiene.Tanba bee moos nu’udar direitu fundamentu ne’ebé mak Estadu iha responsabilidade atu hakonu hodi fornsese ba ema hotu no ba fatin hotu.

Prosesu KPK nu’udar matadalan ida atu hasa’e kobertura asesu ba bee moos no sustentabilidade. Prosesu ida ne’e halo liu husi partisipasaun komunidade no lider lokál sira, transparensia, akuntabilidade hodi informa ba ema mak foti desizaun sira, komunidade, implementadór no Governu lokál atu identifika dezafiu provizionamentu no hamutuk buka solusaun efetivu ba kestaun hirak ne’ebé relata.

Relatóriu ida ne’e sei kobre prosesu no rezultadu KPK ne’ebé ekipa HAK hala’o hamutuk ho parseiru xavi hanesan WaterAid, Care Internasionál, FHTL no Luta Ba Futuru (LBF), servisu hamutuk ho Fasilitadór Postu Administrativu no Autoridade lokál sira realiza prosesu KPK iha Munisípiu Liquiçá no  Manufahi.

1.1     Kontekstu Jerál Setór BESI iha Timor-Leste

 

Depois Timor-Leste restaura nia independénsia iha 20 Maiu 2002, sai nu’udar nasaun ne’ebé independenti, komunga prinsípiu Estadu de Direitu no Demorkrátiku. Husi ne’e,Timor-Leste hahú kedas ho forma nia mekanismu sira hodi hari’i nia governasaun rasik atu responde ba dezenvolvimentu nasaun nian hodi hatan ba luta libertasaun Povu. Mekanismu seluk mak estimula programa ba investimentu setór bee moos tuir matadalan Planu Estratéjiku Dezenvolvimentu Nasionál (PEDN) ba 2011-2030.  Ita mós rekoñese katak bee moos la’ós de’it problema rai laran maibé sai problema universál, ne’ebé halo ajensia dezenvolvimentu sira ho determinasaun tulun governu dezenvolve setór BESI iha Timor-Leste.

 

ammutuk re prosesu no rezultadu Dezafiu ba infraestrutura báziku sira hanesan estrada, saúde, bee moos no saneamentu, ne’ebé seidauk asesivél ba ema hotu. Infraestrutura báziku sira ne’ebé mensiona ona ne’e balun sai hanesan nesesidade primáriu sira iha ema nia moris.

 

Tanba ne’e, ita hotu konsiente katak setór sira ne’ebé mak temi ona iha leten, liga direta kedas ho povu nia direitu fundamentu sira; setór sira ne’e mak bee moos, saneamentu no ijiene. Komponenti tolu (3) ne’e, nu’udar komponenti ida ne’ebé fundamentu tebes ba ema nia moris.

 

Aleinde ne’e estudu mós hatudu katak bee okupa pursentu barak iha ema nia isin, entre 70 to’o 75 pursentu[1].

 

Dadus seluk ne’ebé mak fó sai husi organizasaun mundiál saúde (OMS), estimasaun 50% mál nutrtisaun mak assosiadu ho infesaun kauza husi bee, saneamentu no ijiene ne’ebé la seguru[2].

1.2       Polítika Enkuadramentu Legál

Matadalan ba elaborasaun programa iha setór BESI, iha Timor-Leste. Konstituisaun RDTL artigu 6 objetivu Estadu; alinea e, promove no hari’i sosiedade ida ne’ebé bazeia ba justisa sosiál, liu husi estabelesementu sidadaun nia moris di’ak material no espirituál; alinea f, Proteje didi’ak meiu-Ambiente no hodi nafatin riku-soin rai nian. Konstituisaun RDTL artigu 57, Saúde, alinea 1, Estadu hatene katak ema hotu iha direitu ba saúde, asisténsia medika sanitaria no mós dever atu defende no promove direitus ne’e. Konstituisaun RDTL artigu  61, Meiu-Ambiente; alinea 1, ema hotu iha direitu atu moris iha ambiente ida ne’ebé moos, di’ak ho natureza no iha obrigasaun atu proteje no halo di’ak ba jerasaun loron ikus nian; alinea 2, Estadu rekoñese katak iha nesesidade atu tau matan didi’ak no fó valór ba ita nia rai nia riku soin. Konstituisaun RDTL  artigu  139, Rekursu Naturál sira, alinea 1, Rekursu rai leten nian, rai okos nian, bee teritorial, plata forma kontinentál no zona ekonómiku eskluzivu, ne’ebé importante ba ekonómia, ne’e estadu nia propriedade ne’ebé tenki utiliza iha forma loloos hanesan de’it ba ema hotu-hotu tuir interese nasionál[3]. Konvensaun Direitu Ekonómiku, Sosiál no Kulturál (KDESK) ne’ebé spesifikamente sita iha artigu 11.1 ne’ebé deskreve katak, direitu ema hotu nian atu hetan nivél moris nian ne’ebé adekuadu ba nia-an no nia famíllia ne’ebé di’ak ba bei-beik[4]. Iha mós Dekretu Lei númeru 4/2004 kona-ba abastesimentu bee ba konsumu públiku, artigu 4 objetivu 1, Sistema abastesimentu bee nia finalidade mak asegura katak komunidade Timór-oan asesu ba servisu sira abastesimentu bee ne’ebé esensiál ba saúde públiku[5]. Tan ne’e Estadu liu husi Governu, tenki hatudu aproximasaun di’ak ba iha dezenvolvimentu iha área BESI ba ita nia sosiedade sira atu atinji metas sira ne’ebé mak haktuir iha matadalan sira ne’e.

---

[1]Mitchell, H.H., Hamilton, T.S., Steggerda, F.R. and Bean, H.W., 1945. The chemical composition of the adult human body and its bearing on the biochemistry of growth. Journal of Biological Chemistry, 158(3), pp.625-637.

[2]Pruss-Ustun, Gore, & Bartram, 2008

[3]Konstituisaun Repúblika Demokrátika Timor-Leste, art, 6, 57, 61 & 139

[4]Konvensaun Direitu Ekonómiku, Sosiál no Kulturál, art11

[5]Dekreitu Lei nu: 04.2004 kona-ba abastesimentu bee, art, 4

Lee Kompletu 

💧Implementasaun Kartaun Pontuasaun Komunidade Sistema Bee Rurál

Lee Kontinua

Ema hotu iha direitu ba moris ida ne’ebé adekuadu bá nia Saúde rasik no ninia famíllia

 Setór Saúde

Ema hotu iha direitu ba moris ida ne’ebé adekuadu bá nia Saúde rasik no ninia famíllia, inklui ai-han, hatais, hela fatin, kuidadu médiku no servisu sosiál nesesáriu’’, art. 25.1 Deklarasaun Universál Direitu Umanu (DUDU)

Ida ne’e signifika Saúde nu’udar direitu fundamental ba ema kriatura. Nu’udar direitu fundamentu tanba Saúde nu’udar direitu ne’ebé nesesáriu atu hala’o direitu umanus sira seluk. 

Nune’e rekoñese mós iha lei internasionál sira ne’ebé Timór-Leste ratifika tiha ona hanesan Konvensaun Internasionál Direitu Ekonómia Sosiál no Kulturál (KIDESK) katak ema kriatura hot-hotu iha direitu atu goza nivél Saúde ás liu ne’ebé hetan hodi bele moris ho dignidade (art. 12 KIDESK). Nune’e mós direitu ida ne’e rekoñese iha art. 57 Konstituisaun RDTL.

Nune’e tuir instrumentu legál sira iha leten ne’e, Estadu iha obrigasaun atu hakonu direitu ida ne’e. Iha kontesktu Timór-Leste, governu realiza ona nia obrigasaun balun tuir mandatu konstituisaun nian hanesan Saúde Públiku fó asisténsia Saúde ba ho gratuita, estabelese hositál Sentru Saúde no Postu Saúde sira hakbesik ba komunidade. No mós kapasita rekursu umanus iha área Saúde nian hodi halo atendimentu públiku nian sei nota kestaun barak mak presija Governu tau atensaunn nafatin hodi garante ema hotu asesu ba Saúde ho fasíl no gratuitu.

Dadus husi ami nia monitórizasaun, haree liu ba atendementu Saúde Públiku iha Suku sira. Tuir observasaun no informasaun sira ne’ebé mak ami rekoilla husi Suku 72 iha Munisípiu 6, hatudu katak atendementu Saúde Públiku iha Suku sira, Ministériu Saúde iha ona esforsu maka’as hodi hakbesik atendementu Saúde ba komunidade sira iha Suku liu husi hari’i postu Saúde, koloka pesoál Saúde no doutór preventiva sira iha Suku. 

Maibé asesu komunidade nian ba Saúde nafatin sai perkupasaun tanba fasilidades Saúde nian iha Suku sira seidauk natoon hodi pesoál Saúde sira hala’o sira nia kna’ar ho di’ak. 

Nune’e mós iha Suku balu seidauk iha Postu Saúde, pesoál Saúde no doutór preventiva sira hodi halo atendementu Saúde iha ne’ebá. 

#English Version;

Everyone has the right to a standard of living adequate for the health of themselves and of their families

Everyone has the right to a standard of living adequate for the health of himself and of his family, including food, clothing, shelter, medical care and necessary social services’’, art. 25.1 Universal Declaration of Human Rights (UDHR)

This means that health is a fundamental right of human beings. It is a fundamental right because health is a right necessary to exercise other human rights.

It is also recognized in international laws that Timor-Leste has ratified such as the International Convention on Social Economic and Cultural Rights (KIDESK) that all human beings have the right to enjoy the highest level of health required to survive with dignity (art. 12 KIDESK). This right is also recognized in art. 57 Constitution of the RDTL.

Therefore, according to the above legal instruments, the State has an obligation to fulfill this right. In the context of Timor-Leste, the government has fulfilled some of its obligations under the constitutional mandate such as Public Health providing free health care, establishing health centers and health posts close to the community. Also, training human resources in the area of ​​health to provide public services will note many issues that require the Government to pay attention to ensure that everyone has easy and free access to health.

Data from our monitoring, focusing on Public Health services in the Suku. According to observations and information that we collected from 72 districts in 6 municipalities, shows that public health care in the districts, the Ministry of Health has made great efforts to bring health care to the communities in the districts through the establishment of posts Health, place health personnel and preventive doctors in the Suku.

However, community access to health remains a concern because health facilities in the villages are not sufficient for health personnel to perform their duties properly.

Also in some villages there are no health posts, health personnel and preventive doctors to provide health care there.

🔘Koordenadór  Edukasaun & Publikasaun hetan entrevista husi Midía Timor Post liga ho Asuntu Saúde

Lee Kontinua

Ai-han, komponenti ida ne’ebé labele hasai ka hado’ok husi ema nia moris

Lian Agrikultura

Foto Ekipa HAK Monitorizasaun Grupu Toos Nain iha Fatuquero/Gleno-Doc HAK

Ai-han, komponenti ida ne’ebé labele hasai ka hado’ok husi ema nia moris. Tanba ne’e, ai-han nu’udar direitu fundamentu, ne’ebé Estadu parte sira Konvensaun Internasionál Direitu Ekonómia, Sosiál no Kultura, iha obrigasaun hodi kria kondisaun, atu nune’e ninia sidadaun sira iha vontadi hodi hala’o vida agríkola. Nune’e bele halo prodús ai-han ne’ebé sufisienti ba sira ninia nesesidade konsumu no distribuisaun ba merkadu lokál hodi hakonu sira ninia nesesidades báziku sira. Tanba ne’e HAK hanesan onganizasaun naun-govermentál ida ne’ebé ninia servisu esensiál maka tau matan ba asuntu sira ne’ebé liga liu ho direitu sira ema nian.

HAK identifika Munisípiu 6 mak hanesan Aileu, Ainaro, Baucau, Viqueque, Dili no Ermera; sai hanesan área tarjetu ba HAK nia aktividades monitórizasaun hodi asegura katak populasaun husi Munisípiu sira refere hetan sira nia direitu báziku, inklui direitu atu asesu ai-han ho kualidade, seguru no prodús rasik no halo distribuisaun rasik (Soberania ai-han). Atu asegura direitu báziku hirak ne’e, HAK iha esprensia servisu hamutuk ho entidades diferente hanesan autoridade lokál, juventude, Polísia, Diresaun Edukasaun, Munisípiu, Diresaun Agrikultura, Líder feto, inklui ONG sira iha Munisípiu hodi bele asegura katak populasaun husi Munisípiu sira refere hetan sira nia direitu báziku ba prodús ai-han ho sustentavél liu husi atividade sira.Oinsá mak sidadaun sira bele ba to’o faze ikus sira iha ai-han ne’ebé menus iha sira nia uma laran, polítika Minísteriu Agrikultura nian tenke opta polítika deversifikasaun, hodi nune’e sidadaun sira kontinua kuda ai-han oi-oin iha sira nia kintál, to’os laran no natar laran. 

Nune’e, wainhira mosu tempu ne’ebé ladiak (bai loro naruk ka udan la para), agrikultór sira nafatin kolleta ai-han hodi hatan ba nesesidade konsumu. Ho nune’e, maka povu iha nasaun ida ne’e bele to’o auto sufisienti ai-han, mak ita bele reklama katak ita to’o duni ona soberania ai-han. produsaun agrikultór nian atu sai di’ak liu, depende mós ba polítika Estadu ida nian, opta sá sistéma agrkultura? Opta sistéma agrikultura mekanizasaun, sistéma agrikultura revolusaun verde, sistéma agrikultura sustentavél ka sistéma agrikultura orgániku ?

Agrikultura sai hanesan fatór kulminante hodi termina povu Timor-Leste nia moris en jerál.  Tama ona  ba tinan 16 maka Povu Timor-Leste kore-an husi okupasaun rejíme militár Indonézia. Durante tempu ukun rasik-an ne’e, povu seidauk sente loloos sintidu  libertasaun nasionál. Tanba kuaze maioria povu Timor-Leste sei hela ho kondisaun susar, tanba sei menus ai-han. Menus ai-han ne’e depende ba produsaun rai laran nian. Produsaun ai-han ne’e mós depende ba fatin ka área ne’ebé to’os ka natar na’in sira atu asesu ba. Biar to’os na’in no natar na’in sira iha fatin ka área produsaun ne’ebé luan, maibé kondisaun mínimu la natoon (irigasaun seidauk di’ak), agrikultór sira mós sei labele halo produsaun tuir kbi’it ne’ebé iha. Situasaun hirak ne’e hotu, halo kuaze Timoroan sira hasoru problema todan. Nune’e ita nia moris mós sei nafatin hakdasak no namu’uk iha fatin. Ita nia Governu foti ona medida no esforsu oi-oin hodi hatan ba problema ai-han, nune’e dalan ne’ebé fasíl liu, Governu halo mak aloka osan hodi ba sosa husi rai seluk nia ai-han (foos) husi Vietnam no Thailandia. Maibé esforsu hirak ne’e sei hatan de’it ba périudu tempu badak nian no sei labele eziste too tinan naruk mai. Tan osan ne’ebé ita nia Governu uza hodi sosa rai seluk nia produtu,  ba tempu ruma sei labele kontinua tan, tanba ita nia osan mós sei menus ba bei-beik no bele mamuk no mohu iha loron ruma.

Iha fulan Outubru 2010, Governu Timor-Leste liu-hosi Ministériu Agrikultura no Peska, no Ministériu relevante seluk hanesan Ministériu Finansa, Ministériu Ekonómia no Dezenvolvimentu, Ministériu Edukasaun, Ministériu Saúde, Ministériu Solidariedade Sosiál, Reprezentante Nasoens Unidas no Ajénsia ONU nian hotu iha Timor-Leste lansa tiha ona deklarasaun ida ho naran Deklarasaun Comoro ba hakotu Hamlaha no Malnutrisaun iha Timor-Leste.

Iha deklarasaun ne’e, Governu no Ajénsia Nasoens Unidas nian, afirma sira nia komitmentu ba kombate hamlaha no redúz malnutrisaun liu husi hasa’e produsaun agrikola ida nakonu ho kualidade no kuantidade hodi bele responde ba nesesidade konsumu iha nivél uma-kain. Mezmu hanesan ne’e, to’o agora  fornesimentu ai-han iha nivél uma-kain sei menus teb-tebes, nune’e mós populasaun barak konsumu ai-han ne’ebé nutrisaun ladun favoravél, ne’ebé laiha proteina no vitamina di’ak hodi kontribui ba isin di’ak. Dezenvolvimentu agrikultura iha Timor-Leste seidauk iha-mudansa ida  ne’ebé signifikativu hodi asegura ai-han ne’ebé sufisiente ba uma-kain hodi asegura konsumu ai-han iha nivél famillia ne’ebé sufisiente konforme padraun nasionál nian.

Hare ba situasuan  hirak  ne’ebé haktuir  iha leten, fó alarma ka sinál boot ba ita ne’ebé nu’udar mata dalan ba to’os na’in ho natar na’in sira, atu la husik sira hodi kontinua moris iha dependénsia nia laran. Tan sira  (to’os  na’in  ho natar  na’in) mak úniku autór hodi termina ita nia ukun rasik- an ho loloos no dignu. Ukun rasik-an  katak  ita sei liberta ita nia an husi kiak no hamlaha, mak ita hahú hatene oinsá agrikutór sira bele halo produsaun ho másimu no sustentavél mak hafoin ita bele atinzi soberania  ai-han hodi hametin ita nia ukun rasik-an ida ne’e, ohin no futuru.

Konforme realidade hatudu, maioria husi  populasaun Timor-Leste hela iha área rurál, no moris nu’udar agrikultór. Tanba ne’e, seitór agrikultór  nu’udar fontes prinsipál atu sustenta populasaun sira nia moris no sai hanesan baze ba dezenvolve ekonómia báziku.

Estadu Timor-Leste iha responsabilidade konstituisionál atu hakonu nia ema sira nia direitu ekonómia, ne’ebé nia ratifika ona konvensaun internasionál lubuk ida, liu-liu Konvensaun Internasionál kona-ba Direitu Ekonómia, Sosiál no Kulturál (KIDESK) ne’ebé sai hanesan lei iha nasaun ida ne’e.

Sistéma agrikultura iha Timor-Leste, nafatin la’o seidauk di’ak ne’ebé agrikultór sira  halo to’os, kontinua ho sistéma tradisionál, por exemplu nafatin-lere no sunu rai no tesi ai iha áreas rurais sira, produsaun agrikóla ne’ebé menus ba bei-beik, ameasa no risku dezastre naturais kontinua akontese iha fatin-fatin. Iha parte seluk,  problema mudansa klímatika ne’ebé afeta ba agrikultór sira nia produsaun tu’un. Kondisaun hanesan ne’e prejudika no afeta tebes ba  seguransa ai-han no soberania ai-han  hodi bele  responde ba ejizensia konsumidór sira nian iha rai laran.

#English Version;

Food, A Component That Cannot Be Removed From Human Life

Food, a component that cannot be removed or removed from human life. Therefore, food is a fundamental right, which States parties to the International Convention on Economic, Social and Cultural Rights, have an obligation to create conditions, so that its citizens are willing to lead agricultural life . This can produce sufficient food for their consumption needs and distribute to the local market to meet their basic needs. HAK is therefore a non-governmental organization whose essential service is to address issues related to human rights.

HAK identified 6 municipalities such as Aileu, Ainaro, Baucau, Viqueque, Dili and Ermera; becomes a target area for HAK's monitoring activities to ensure that the population of these municipalities receive their basic rights, including the right to access quality, safe and self-produced and self-distributed food (Food Sovereignty). To ensure these basic rights, HAK has experience working with different entities such as local authorities, youth, police, education directorate, municipality, agriculture directorate, women leaders, including NGOs in the municipality to ensure that the population of the municipalities get their basic right to produce food sustainably through activities. How can citizens reach the final stages of food shortages in their homes, the policy of the Ministry of Agriculture must opt ​​for policy diversification, so that citizens continue to grow a variety of foods in their yards, fields and fields.

Therefore, when bad weather occurs (long days or continuous rain), farmers continue to harvest food to meet consumption needs. Thus, the people in this country can reach self-sufficiency in food, then we can claim that we have reached food sovereignty. farmer's production to be better, also depends on the policy of a State, what agricultural system is chosen? Do you choose mechanized agriculture system, green revolution agriculture system, sustainable agriculture system or organic agriculture system?

Agriculture became the culminating factor in ending the lives of the people of Timor-Leste in general. It has been 16 years since the people of Timor-Leste liberated themselves from the occupation of the Indonesian military regime. During this time of independence, the people have not really felt the sense of national liberation. Because almost the majority of the people of Timor-Leste will live in difficult conditions, because there will be less food. This food shortage depends on domestic production. Food production also depends on the location or area that farmers have access to. Although farmers and field owners have a large production area, but the minimum conditions are not good (irrigation is not good), farmers will not be able to produce according to their ability on. All these situations, make almost all Timorese face serious problems. So our lives will remain in place. Our Government has taken various measures and efforts to address the food problem, so the easiest way, the Government does is to allocate money to buy from other countries food (foos) from Vietnam and Thailand. But these efforts will only respond to the short-term period and will not exist for many years to come. Because the money that our Government uses to buy other countries' products, for some time will not be able to continue, because our money will also decrease gradually and may run out and disappear one day.

In October 2010, the Government of Timor-Leste through the Ministry of Agriculture and Fisheries, and other relevant Ministries such as the Ministry of Finance, Ministry of Economy and Development, Ministry of Education, Ministry of Health, Ministry of Social Solidarity, United Nations Representatives and all UN Agencies in Timor -Leste has launched a declaration called the Comoro Declaration to end Hunger and Malnutrition in Timor-Leste.

In this statement, the Government and the United Nations Agency, affirmed their commitment to combat hunger and reduce malnutrition by increasing agricultural production full of quality and quantity to respond to consumption needs at the household level. However, until now the supply of food at the household level is still very low, as well as many populations consume food that is not nutritionally favorable, that lacks protein and vitamins di 'ak to contribute to good health. Agricultural development in Timor-Leste has not changed significantly to ensure sufficient food for households to ensure sufficient food consumption at the family level in accordance with national standards.

Looking at the situations mentioned above, gives a big alarm or signal to us as the guide to farmers and field owners, not to let them continue to live in dependence inside. Because they (farmers and farmers) are the only authors to end our independence with justice and dignity. Independence means that we will free ourselves from poverty and hunger, then we begin to know how farmers can produce maximum and sustainable and then we can achieve food sovereignty to strengthen our independence e, today and the future.

As reality shows, the majority of Timor-Leste's population lives in rural areas, and lives as farmers. Therefore, the agricultural sector is the main source to sustain the lives of the population and become the basis for developing the basic economy.

The State of Timor-Leste has a constitutional responsibility to fulfill the economic rights of its people, which it has ratified a number of international conventions, especially the International Convention on Economic, Social and Cultural Rights (KIDESK) which became law in this country.

The agricultural system in Timor-Leste, still not working well that farmers farm, continue with the traditional system, for example still-lere and burn land and cut down trees in rural areas, agricultural production is is decreasing, the threat and risk of natural disasters continues to occur in places. On the other hand, the problem of climate change affects farmers’ production. Such conditions harm and affect food security and food sovereignty in order to respond to the demands of consumers in the country.

⛺AGROEKOLOJIA-Dalan ba promove merkadu produtu agríkola

 

⛺Tranzisaun Agroekolojia ba Soberania Alimentar iha Timor-Leste (TAPSA)

Fontes Orijinal ; 

Lee Kontinua