In Memoria Monsenhor Martinho da Costa Lopes no Bispo Dom Alberto Ricardo da Silva

𝐈𝐧 𝐦𝐞𝐦𝐨𝐫𝐢𝐚 𝐌𝐨𝐧𝐬𝐞𝐧𝐡𝐨𝐫 𝐌𝐚𝐫𝐭𝐢𝐧𝐡𝐨 𝐝𝐚 𝐂𝐨𝐬𝐭𝐚 𝐋𝐨𝐩𝐞𝐬 𝐧𝐨 𝐁𝐢𝐬𝐩𝐨 𝐃𝐨𝐦 𝐀𝐥𝐛𝐞𝐫𝐭𝐨 𝐑𝐢𝐜𝐚𝐫𝐝𝐨 𝐝𝐚 𝐒𝐢𝐥𝐯𝐚

𝑭𝒐𝒕𝒐: 𝑴𝒊𝒌𝒊𝒐 𝑴𝒐𝒏𝒋𝒖

𝐌𝐨𝐧𝐬𝐞𝐧𝐡𝐨𝐫 𝐌𝐚𝐫𝐭𝐢𝐧𝐡𝐨 𝐝𝐚 𝐂𝐨𝐬𝐭𝐚 𝐋𝐨𝐩𝐞𝐬 𝐧𝐨 𝐦𝐨𝐯𝐢𝐦𝐞𝐧𝐭𝐮 𝐬𝐨𝐥𝐢𝐝𝐚𝐫𝐢𝐝𝐚𝐝𝐞 𝐉𝐚𝐩𝐚𝐮𝐧
Iha istória luta povu Timor-Leste ba liberdade no dignidade umanu, Monsenhor Martinho da Costa Lopes iha fatin ida ne’ebé importante tebes. Nia la’os de’it nu’udar lider igreja, maibé sai lian ba povu Timoroan sira ne’ebé sofrimentu no injustisa halo sira laiha oportunidade atu koalia.

Durante okupasaun Indonézia, Mons. Martinho vizita komunidade oin-oin. Nia fo hatene direitamente ba ema hotu kona-ba sofrimentu povo nian, no denunsia violasaun direitus umanus ne'ebe akontese iha Timor-Leste.

Iha Japaun nia lian sai ponte ba solidaridade. Iha tinan 1986 movimentu solidaridade Japaun ba Timor-Leste hetan forsa, tanba Mons. Martinho halo viagem ba Japaun hodi partisiapa iha enkontru no koalia kona-ba situasaun Timor-Leste. Iha turné ne’e nia vizita sidade balu, nia fahe testemuñu kona-ba okupasaun no realidade povo Timoroan hamutuk ho Mimi Ferreira ne'beé sira konvite husi Darwin, Australia (foto 1).

Vizita no testemuñu hirak ne’e ajuda hametin konsiensia iha sosiedade sivil Japaun. Ativista sira, akademiku, Igreja, estudante no ema sira ne’ebé solidariza iha Timor-Leste kontinua buka dalan atu hato’o asuntu Timor-Leste ba públiku no ba lideransa polítika.
Impaktu ida ne’ebe importante mak Vizita Mons. Lopes ajuda harii grupu parlamenter multipartidariu iha Japaun ne’ebé inklui parlamentar nain 72, Diet Members Forum on East Timor. Ida ne’e hatudu katak solidaridade la para de’it iha nivel sosiedade sívil, maibe tama mós ba nivel polítiku. Sekretariu-jeral husi grupu parlamentar mak Satsuki Eda (foto 2), ne'ebe halo vizita ofisial ba Timor-Leste nu'udar Presidente Senadu iha tinan 2008 no mensiona responsibilidade estadu Japaun ba sofrimentu povu Timor oan durante Funu Mundial Daruak.
Mons. Martinho la’os mesak mak harii movimentu soliedaridade Japaun. Movimentu ne’e hetan kontribuisaun husi ativista no ema Japaun barak. Maibé nia prezensa no testemuñu kona-ba realidade Timor-Leste sai parte importante husi prosesu ne’ebé ajuda liga luta povo Timor oan ho soliedaridade internasionál iha Japaun.
Husi Timor-Leste ba Japaun, husi testemuñu ba solidaridade, husi solidaridade ba esperansa. Legadu Mons. Martinho hanorin ita katak bainhira injustisa akontese, lian ida bele sai ponte; testemuñu ida bele hamosu konsiénsia; no solidaridade entre povu sira bele fo forsa ba luta ba dignidade no liberdade.

𝐁𝐢𝐬𝐩𝐨 𝐃𝐨𝐦 𝐀𝐥𝐛𝐞𝐫𝐭𝐨 𝐑𝐢𝐜𝐚𝐫𝐝𝐨 𝐝𝐚 𝐒𝐢𝐥𝐯𝐚 𝐥𝐨𝐤𝐞 𝐀𝐮𝐝é𝐧𝐬𝐢𝐚 𝐏ú𝐛𝐥𝐢𝐤𝐚, “ 𝐁𝐮𝐤𝐚 𝐡𝐚𝐭𝐞𝐧𝐞 𝐈𝐬𝐭ó𝐫𝐢𝐚 𝐉𝐮𝐠𝐮𝐧-𝐈𝐚𝐧𝐟𝐮 𝐢𝐡𝐚 𝐓𝐢𝐦𝐨𝐫-𝐋𝐞𝐬𝐭𝐞”

Audénsia Públika ida ne’e akontese iha Dili durante loron rua, 6-7 Janeiru 2006, organiza husi HAK hamutuk ho Koligasaun Japaun ba Timor–Leste. Audénsia Públika ne’e eventu primeiru iha Timor-Leste atu rona diretamente testemuñu husi sobrevivente sira ne’ebe sai vitima sistema eskravidaun seksual durante Funu Mundial Daruak.

Bispo Dom Alberto Recardo da Silva loke Audénsia Públika ida ne’e no hato’o mensajen katak importante teb-tebes atu hatene ita nia istória rasik no komprende sofrimentu sobrivivente sira ne’ebé to’o agora seidauk simu atensaun natoon (foto 3)

𝐌𝐞𝐦ó𝐫𝐢𝐚 𝐧𝐚𝐟𝐚𝐭𝐢𝐧 𝐦𝐨𝐫𝐢𝐬. 𝐒𝐨𝐥𝐢𝐝𝐚𝐫𝐢𝐝𝐚𝐝𝐞 𝐧𝐚𝐟𝐚𝐭𝐢𝐧 𝐡𝐚𝐦𝐫𝐢𝐤.
𝐋𝐮𝐭𝐚 𝐛𝐚 𝐝𝐢𝐠𝐧𝐢𝐝𝐚𝐝𝐞 𝐧𝐨 𝐝𝐢𝐫𝐞𝐢𝐭𝐮𝐬 𝐮𝐦𝐚𝐧𝐮𝐬 𝐤𝐨𝐧𝐭𝐢𝐧𝐮𝐚

#MonsMartinhoDaCostaLopes
#DomAlbertoRicardodaSilva
#TimorLeste
#SolidaridadeJapaun
#DiretusUmanus
#MemoriaIstória
#TimorLesteJapaunSolidarity
#JugunIanfuTimorLeste
#KoligasaunJapaunbaTimorLeste